93

حمزہ شہباز کا ڈالر کی قیمت مزید بڑھنے پراظہارِِِ تشویش

مسلم لیگ نون کے رہنما اور پنجاب اسمبلی میں قائد حزب اختلاف حمزہ شہباز کا کہنا ہے کہ ڈالر بھی نیازی صاحب کی طرح کسی جگہ ٹھہر نہیں رہا۔

اپنے ایک بیان میںحمزہ شہباز نے ڈالر کی قیمت مزید بڑھنے پر گہری تشویش کا اظہار کرتے ہوئے کہا کہ عمران نیازی اب ہم آپ کا عوام پر ظلم برداشت نہیں کر سکتے، اب آپ کو جانا ہو گا۔

انہوں نے کہا کہ نالائق ترین حکومت کی وجہ سے ڈالربلند ترین سطح پر پہنچ گیا ہے، تبدیلی ہر روز قوم کی چیخیں نکلوارہی ہے ۔

رہنما نون لیگ حمزہ شہباز نے مزید کہا کہ ملک کی معیشت اب ملک کے ہاتھ میں نہیں رہی، بلکہ آئی ایم ایف کےحوالے کر دی گئی ہے۔

انہوں نے یہ بھی کہا کہ عمران نیازی نے صرف عوام کی چیخیں نکلوانے کا وعدہ پورا کیا ہے، نیازی صاحب معیشت میں بھی ’بی آر ٹی‘ ماڈل فالو کر رہے ہیں۔

Facebook Comments

اس خبر پر اپنی رائے کا اظہار کریں

اپنا تبصرہ بھیجیں